ContaCaTiConto
[Antologia de literadura in sardu]

 C O N T O S · R O M A N Z O S  · P O E S I A S  ·  I N T E R V I S T A S · D I T Z O S

Accueil > Les auteurs > LUIS SEPÚLVEDA

LUIS SEPÚLVEDA

LUIS SEPÚLVEDA fiat nàschidu in Ovalle, Tzile, in su 1949. Est mortu su 16 de abrile de su 2020 in Oviedo, Asturias, Ispagna.
Aiat giradu in cada logu, dae sos padentes amazònicos a su desertu saharianu, dae sa Patagònia a Amburgu, dae sas tzellas de su ditadore Pinochet a sa nae de Greenpeace, in fatu de Utopias diferentes chi at contadu in sas istòrias e romanzos suos. In su 1969, aiat retzidu su prèmiu “Casa de las Américas” cun s’òpera Crònaca de Pedro Nadie. In su 1993, aiat publicadu Unu betzu chi leghiat romanzos de amore, bortadu in limbas medas, postu in pellìcula in su 2001 cun iscenegiadura de Sepùlveda matessi, cun sa regia de Rolf de Heer e Richard Dreyfuss comente protagonista. In su 1994, aiat sighidu cun Su mundu de sa fine de su mundu e Nùmene de torero. In su 1995, fiat essidu Patagonia Express, unu libru de viàgios autobiogràfìcu ;
in su 1996 aiat publicadu Istòria de unu cau marinu e de su gatu chi l’aiat imparadu a bolare. Pustis aiat editadu duas regortas de contos : Addòvios faddidos (1997) e Diàriu de unu killer sentimentale (1998), sighidu dae Yacaré (1998).
Sas ùrtimas operas publicadas sunt istadas Istòria de inoghe e de addae (2010), Ùrtimas noas dae su Sud (2011), Istòria de Mix, de Max e de Mex (2012), Istòria de una croga chi aiat iscobertu s’importàntzia de sa lentesa (2013) e Istòria de unu cane cramadu Leale (2015). Dae su 1996, Luis Sepúlveda istaiat in Gijón, in Ispagna.