ContaCaTiConto
[Antologia de literadura in sardu]

 C O N T O S · R O M A N Z O S  · P O E S I A S  ·  I N T E R V I S T A S · D I T Z O S

Accueil > Les auteurs > RACHEL FALCHI

RACHEL FALCHI

Rachel Falchi est nàschida in Bangalore (Ìndia) su 28/01/1980 e istat in Tàtari. Tataresa cun identidade linguìstica otieresa, adotada a s’edade de deghe meses dae babbu e mama sardos.
Laureada in Economia Aziendale. Pintora autodidata. Istudiosa de limba sarda, at frecuentadu unos cantos cursos de perfetzionamentu in custa matèria
Est finas istudiosa apassionada de limba ispagnola.
In su 2012 at cumintzadu a leare parte a cuncursos literàrios de sa Sardigna, otenende giudìtzios positivos meda dae sas giurias e dae su pùblicu.
At publicadu sa prima regorta sua de poesias in versos lìberos cun su tìtulu “Mùidas de coro”, in su mese de maju de su 2019.
At leadu prèmios pro poesias in versos lìberos, poesias in rima, cumponimentos in prosa.
Pro 5 annos sighidos finas in su cuncursu literàriu “Tzitade de Otieri”.
Impreende sas normas de sa Lsc at otentu duos reconnoschimentos importantes in prèmios bandidos dae Papiros editziones : in su 2013, su 1u Prèmiu ex-equo, in su « Prèmiu de Giornalismu in sardu G.F. Pintore », Irgoli ; in su 2018, su prèmiu « Limbas in Ponte », pro sa tradutzione dae s’ispagnolu a su sardu de su libru “Cuentos de la Selva” de s’iscritore uruguajanu Horacio Quiroga.